Und wieder emal isch es en schöne winterliche Abig gsi wo de Adam und d'Eva go poste sind... Nur dasmal isch es echli en andere Ihchauf gsi wie normalerwiis... Mer sind in Media Markt!!! Und ich säge eu, das isch echt es Erlebnis gsi... Nachdem ichs doch gschafft han mich zverfahre und die arm Martina eifach hät müese am Bahnhof uf mich warte und schlussendlich sogar no zfuess in Media Markt glaufe isch (übrigens sie hät sich no de Socke gschlisse bi dem Usflug :-)) simer doch ahcho und euse Ihchauf hät chöne starte. Mer muen dezue säge, dass mir nur 1 1/4 Stund Ziit gha händ für das grosse Unterfange. Also auf in das Getümmel...
Zerst simmer zu de Fernseh und händ eus vomene schnuckelige Griech berate lah... Dä hät eus doch tatsächlich wele säge, dass Fraue sich nie entscheide chönd. Aber debi isch das sehr schnäll gange. Er hät empfohle und ich han den no s'Design entschiede... Und wiiter gahts... mer händ ja no en Drucker wele! Aber ihr glaubeds nöd, dört isch kein Clown gstande und hät eus wele hälfe, also hämmer no müese so eine finde. S'Prozedere isch aber wieder s'gliche gsi, er hät berate und ich han nachem Design entschiede. Die händ den scho usgruefe, dass de Media i 15 Minute zuemacht. Also hämmer gwüsst es mues jetzt ganz schnäll gah... Los ränne richtig Spielkonsole, dört schnäll e Wii schnappe und nacheme Game sueche, au das findet mer sehr schnäll... Los nomal wiiter zu de Haarbügelisä und was passiert, es chömed d'DVD's in Wäg! Hopp da nämed mer grad au no es paar mit. Und jetzt hopp no s'Haarbügelise und den raus hier... Mir sind aber zum Glück nöd die letschte gsi wo useglaufe sind :-) jupppiiii... Und jetzt gahts as installiere...
De Fernseh und Drucker sind scho am laufe... de Rest muen no testet werde :-) Aber das bimene andere mal...
22.02.10
Kommentar schreiben