Sonne...

So euse grossartigi Summer chan jetzt starte...

Nach dem mir am Samstig en gross Ihchauf gmacht händ (dä Martina ihres Auto isch fast zämäklappt bim uf de Berg fahre) simmer natürlich grad hei go alles ufstelle.

Jetzt hät jedi vo eus ihren eigene Liegestuehl... Und ihr dörfed 3 mal rate wele mine isch... Jaaaa genau de orangi hihihi Natürlich hämmer eusi neue super Liegene au grad müese usprobiere und sind eifach mal es paar Minute anegläge. Bi dem schöne Wätter isch das natürlich au super gsi.

D'Martina hät den aber scho müese stresse und hät druf bestande, dass mir euses neue IKEA Gstell (endlich hämmer en Billy:-)) ufstelled. Dasmal hämers aber ohni Wiiswy gmacht hihihi... Und es staht sogar no.

So jetzt muen ich aber mal echli i d'Sunne liege, sust wird ich ja niemeh bruun :-)

Ich wünsch eu en schöne Sunntig und bis zum nöchste Mal.

Irene

26.04.09